“လူတွေရဲ့ ဘက်လိုက်တတ်တဲ့သဘာဝ”

လူတွေမှာ အစွဲကလေးတွေ ရှိတတ်ကြသည်။
အယူအဆအစွဲ၊ လူမျိုးစွဲ၊ ဒေသစွဲ စသည်ဖြင့်။ အဲ့သည့်အထဲမှာ အားအကြီးဆုံးက ငါစွဲ။

ကိုယ့်ဘာသာကိုယ်တော့ “မျှမျှတတ မှန်မှန်ကန်ကန်မြင်သည်” ဟု ထင်တတ်ကြသည်။ သို့သော် ပြောရာ ဆိုရာ လုပ်ကိုင်ရာများမှာ သတိထားပြီးကြည့်လျှင် တစ်ဖက်ဖက်က လိုက်နေမိတာတွေ၊ အစွဲကလေးနဲ့ ဆုံးဖြတ်မိတာတွေရှိနေတာ တွေ့ရလိမ့်မည်။
လူတွေမှာ ရှိတတ်ကြသည့် အဲ့သည့်သဘောကို Tom Knight ဆိုသော ပုဂ္ဂိုလ်က အခုလိုရေးသည်။

စဉ်းစားကြည့်ရင် ရယ်စရာဗျ။
ဟိုလူ အလုပ်တစ်ခုကို အကြာကြီး အချိန်ယူပြီး လုပ်နေရင် သိပ်နှေးကွေးတဲ့လူလို့ ပြောတယ်။
ကိုယ်ကြာနေရင်တော့ အဲ့ဒါစေ့စပ်သေချာတာ၊ တဲ့။

ကိစ္စတစ်ခုဟိုလူမလုပ်ရင် ပျင်းတာ။
ကိုယ်မလုပ်တာက အလုပ်များလို့။

ကိစ္စတစ်ခုကို သူလုပ်ပါမပြောဘဲနဲ့ ဟိုလူထလုပ်ရင် အဲ့ဒီလူ ဘောင်ကျော်တာ။
ကိုယ်လုပ်တာဆိုရင်တော့ အလုပ်လပ်မြင်တာ။ လုပ်သင့်တဲ့အလုပ်ကို ကိုယ်ဥာဏ်နဲ့ကိုယ် တီထွင်ကြံဆပြီး လုပ်တတ်တာ။

ဟိုလူက သူ့အယူအဆကို အကြောက်အကန်ပြောနေရင် အဲ့ဒါ တစ်ဇောက်ကန်း၊ တစ်ယူသန်။
ကိုယ်ဆိုရင်တော့ သဘောထားပြတ်သားခိုင်မာတာ.

အစဉ်အလာကျင့်ဝတ်စည်းကမ်း တစ်ခုတစ်လေ ဟိုလူချိုးဖောက်ရင် အဲ့ဒီလူ ယဉ်ကျေးမှုမရှိတာ။
ကိုယ်ဂရုမစိုက်ခဲ့ရင် …ဟာ…မရဘူး..ကျွန်တော်က ကိုယ့်ပုံစံနဲ့ကိုယ်ပဲ။….တဲ့။

လူတော်တော်များများ အဲ့သည့်အတိုင်းပဲလို့ စာဖတ်သူ ကော ထင်မြင်မိပါလား။ မိမိကိုယ်တိုင်ကော ဘယ်လို ရှိကြလဲ၊????။ မေးရင်းနဲ့ ဖြေပေးကြဦးနော်။ ကျနော်ကိုပြန်မေးရင်လည်း ထိုနည်းလည်းကောင်းပါပဲ။


ဆရာဖေမြင့်- “စာဖတ်သမား၏ မှတ်စုများ စာအုပ်”မှ ကောက်နှုတ်ဖော်ပြပါသည်။

အလင်္ကာည